Máilmmimeašttirgilvu ealáskan Sáhkkospeallama Finnmárkkus

Sáhkku máilmmimeašttirgilvu lágiduvvo jahkásaččat VuonnamárkaniinVárjjat Sámi Museas. Doalut mat lágiduvvojit maŋemus lávvardaga borgemánus lea šaddan bivnnut deaivvadanbáiki sihke eallilan spealliide ja easkaálgiide, ja čalmmustahttá Sáhkku sihke kulturárbin ja ealli speallaárbevierrun. 

Boahtte meašttirgilvu lea rabas buohkaide – beroškeahttá agi ja hárjáneami. Dál sáhtát don šaddat máilmmimeaštárin! 

Čavčča rájes 2025 Finnmárkku fylkkagirjerádju lea bargan árjjalaččat váfistit máhtu, beasatlašvuođa ja Sáhkkospealu fievrrideami, lagas ovttasbargguin girjerájuiguin, duojáriiguin ja sámi kulturbirrasiiguin. 

Duodjeárbevieru dokumenteren

Dehálaš lávki áŋgiruššamis leamaš dokumenteret Sáhkkolávddi ja -boaluid duddjoma. Fylkkagirjerádju galledii Unjárgga duojára Per Andersen gii duddjo lávddi ja boaluid.

Dát dokumenteren lea dehálaš seailluhan dihte duodjemáhtu, mii muđui lea rašši ja unnán lávdan. Čájehan bokte buvttihanproseassa beassat oahpásmuvvat sámi kultuvrrain ja dujiin. 

Sáhkku gierdomátkkis fylkkas

Giđa 2026 fylkkagirjerádju buktá Sáhku gierdomátkkiin Finnmárku máŋga girjerájuide. Gierdomátkkis geahččit ožžot vejolašvuođa oahpat spealu, geahččaladdat ja oahpásmuvvat historjjáin. 

Máilmmimeaštár Dag Broch jođiha gierdomátkki, ja fátmmasta sihke easkaálgiid ja eallilan spealliid. Fylkkagirjerádju skeŋke vel Per Andersen ráhkadan Sáhkkolávddi girjerájuide, vai speallu geavahuvvo ja fievrriduvvo báikegottiin. 

Gierdomátkeplánas   leat earret eará Kárášjoga, Porsáŋggu, Deanu, Guovdageainnu ja Unjárgga girjerájut. Lea oassin «Festivála miehtá fylkka» áŋgiruššamis maid mii lágidat ovdal Finnmárkku internationála girjjálašvuođafestivála (Finnlitt).

Gilvu lágiduvvo Finnlitt:as

Áŋgiruššan loahpahuvvo Finnlitt:as Girkonjárggas lávvardaga cuoŋománu 18. beaivvi, go lágidat Sáhkkogilvvu ovttasbargguin Sámedikkiin. Gilvu lea rabas buohkaide – sihke easkaálgiide ja eallilan spealliide – ja lea erenoamáš vejolašvuohta speallat, oahppat ja gilvalit sámi árbevirolaš lávdespealu. 

Sihke strategiija, lihkku ja sosiála ovttasdoaibman lea dehálaš oassi gilvvus, ja šaddá čielggas mo Sáhkku ain áŋgiruššá ja searvadahttá buolvvaid rastá.

Sáhkku boahtteáigái

Dokumenterema, gierdomátkki ja gilvvu bokte Finnmárkku girjerádju háliida váikkuhit ii dušše Sáhku seailluheapmái, muhto maiddái dan geavaheapmái, fievrrideapmái ja speallamii. Áŋgiruššan čájeha mo árbevirolaš sámi speallu fievrriduvvo sihke kulturárbin, oahppun ja sosiála doaibman – ja mo olles fylka sáhttá leat mielde bisuheamen árbevieru.

Aktiiva Sáhkkobirrasat Finnmárkkus – Girkonjárggas ja Álttás

Gávdno aktiiva Sáhkkobiras Girkonjárggas Min Árbe searvvi bokte guhte lágida Sáhkkogilvvu Njukčamánu 11. beaivvi ja Álttá sámi giella- ja kulturguovddážis Lávgu lágiduvvo maid Sáhkkospeallan. 

Gáldu ja speallannjuolggadusat